- MZUKA BLOG

NI MAJONZI NA VILIO WAKATI RAIS MAGUFULI AKIONGOZA WATANZANIA KUUAGA MWILI WA "MZEE WAKASI NA VIWANGO" MAREHEMU SAMWEL SITTA JIJINI DAR ES SALAAM

Rais wa Jamhuri ya Muungano wa Tanzania, Dkt. John Pombe Magufuli, akimfariji mama Margareth Sitta, mke wa marehemu Samwel Sitta, wakati wa ibada ya kuuaga mwili wa marehemu Sitta kwenye viwanja vya Karimjee jijini Dar es Salaam, Novemba 11, 2016.

NA K-VIS MEDIA/KHALFAN SAID

VILIO na majonzi vilitawala viwanja vya Karimjee jijini Dar es Salaam wakati Rais wa Jamhuri ya Muungano wa Tanzania, Dkt. John Pombe Magufuli, akiongoza watanzania kuuaga mwili wa Marehemu Samwel Sitta, spika wa bunge la 9 la serikali ya awamu ya nne.

Marehemu Sitta aliyejulikana sana kwa jina la “Mzee wa Kasi na Viwango” alifariki dunia mapema wiki hii mjini Munich nchini Ujerumani alikokuwa akipatiwa matibabu ya Tezi Dume.

Mwili wa marehemu Sitta ambaye aliwahi kushika nyadhifa mbalimbali za serikali na chama chake cha CCM kwa takriban miaka 49, ulisafirishwa kwenda mjini Dodoma ambako ibada maalum imeandaliwa ambapo mwili wake utaagwa kwenye jumba la bunge mjini Dodoma kabla ya kusafirishwa kwenda kijijini kwake wilayani Urambo mkoani Tabora ambako atazikwa Jumamosi.

Marehemu Sitta, ambaye pia alijulikana kama “Chuma cha Pua” kutokana na msimamo wake mkali katika kusimamia masuala yenye maslahi na Taifa, atakumbukwa kwa mambo mengi lakini kubwa zaidi ni pale alipokuwa spika wa bunge la 9 ambalo kwa watanzania wanaliona kama bunge la Kihistoria ambapo alilifanya liwe na “Meno” na kujizolea umaarufu mkubwa kwa watanzania wa kawaida kutokana na jinsi alivyoliongoza katika kutekeleza wajibu wake wa kuisimamia serikali.

Rais Magufuli akitoa heshima zake za mwisho mbele ya mwili wa marehemu Samwel Sitta

Rais mstaafu wa serikali ya awamu ya tatu, Benjamin Mkapa, na Mama Anna Mkapa wakitoa heshima zao za mwisho mbele ya mwili wa marehemu Samwel Sitta

Rais mstaafu wa serikali ya awamu ya nne, Jakaya Kikwete na mkewe Mama Salma Kikwete, wakitoa heshima zao za mwisho mbele ya mwili wa marehemu Samwel Sitta